បន្ទាយមានជ័យ ៖ លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា ឆ្នាំ២០២៤ នៅខេត្តបន្ទាយមានជ័យ ដែលត្រូវបានប្រកាសជាផ្លូវការនាថ្ងៃទី៣១ ខែតុលា បេក្ខជន ដែលប្រឡងជាប់មានចំនួន៤៨៣៩នាក់/ស្រី២៩៤៨នាក់ បេីគិតជាភាគរយ ៧៩,១១% ក្នុងនោះនិទ្ទេស A ចំនួន៧៤នាក់/ស្រី៤៦នាក់, និទ្ទេស B ៤១៦នាក់/ស្រី២៤២នាក់, និទ្ទេស C ១០០៣នាក់/ស្រី៦៥៣នាក់, និទ្ទេស D ១៦៣០នាក់/ស្រី១០៥៩នាក់, និទ្ទេស E ១៧១៦នាក់/ស្រី៩៤៨នាក់, បេក្ខជនដែលមកប្រឡង៦១១៧/ស្រី៣៥១៥នាក់ ។ ចំពោះទិន្នន័យបើធៀបទៅនឹងឆ្នាំ២០២៣កន្លងទៅ បេក្ខជនប្រឡងជាប់មានចំនួន៤១៤៣នាក់/ស្រី២៥០៥នាក់ បេក្ខជនដែលមកប្រឡង៦០៥៨នាក់/៣៣៣៦នាក់ ។

សូមបញ្ជាក់ថា នៅឆ្នាំ២០២៤ នៅខេត្តបន្ទាយមានជ័យ មានមណ្ឌលប្រឡងមានចំនួន៨មណ្ឌល សរុបចំនួន២៥០បន្ទប់ ចែកចេញជា២ ៖ ថ្នាក់វិទ្យាសាស្រ្ត មាន៣មណ្ឌល មានសាលាបឋមសិក្សា ហ៊ុន សែន សូភី , វិទ្យាល័យ ហ៊ុន សែន ខ្លាកូន និងសាកលវិទ្យាល័យជាតិ មានជ័យ សរុបមានចំនួន៧៤បន្ទប់។ ថ្នាក់វិទ្យាសាស្រ្តសង្គម មាន៥មណ្ឌល មានវិទ្យាល័យ សិរីសោភ័ណ, វិទ្យាល័យ សម្តេច ឪ, សាកលវិទ្យាល័យ UME, វិទ្យាល័យ អូរអំបិល និងអនុវិទ្យាល័យ ទឹកថ្លា សរុបមានចំនួន១៧៦បន្ទប់។ បេីធៀបនឹងឆ្នាំ២០២៣ មានតែចំនួន២៤៧បន្ទប់៕